काठमाडौं- नेकपा एमाले र कमल थापा नेतृत्वको राप्रपा नेपालबीच चुनावी तालमेल गर्ने सहमति भएको छ। एमाले स्थानीय विकास विभाग प्रमुख देवेन्द्र दाहाल र राप्रपा नेपाल स्थानीय निकाय परिचालन विभाग प्रमुख सुशीलकुमार श्रेष्ठबीच तालमेल गर्ने सहमतिमा हस्ताक्षर भएको हो।
दुवै पार्टीबीच भएको ५ बुँदे सहमतिमा देशभर तालमेल सम्भव भएका सबै पालिकामा तालमेल गर्ने सहमति भएको उल्लेख छ। यस्तै राप्रपाले पनि सूर्य चिन्ह लिएरै तालमेल गर्ने सहमतिपत्रमा उल्लेख छ।
केही समयअघि राप्रपा अध्यक्षमा पराजित भएपछि कमल थापाले राप्रपा नेपाल गठन गरेका थिए।
